12-13 თებერვალს, საქართველოს ორდღიანი ოფიციალური ვიზიტით რუმინეთის საგარეო საქმეთა მინისტრი ბოგდან აურესკუ ეწვევა.
12 თებერვალს, ბოგდან აურესკუ მონაწილეობას მიიღებს საქართველოს 2015 წლის წლიური ეროვნული პროგრამის (ANP) შემუშავების საერთაშორისო სემინარის გახსნაში.
ხოლო, 13 თებერვალს დაგეგმილია რუმინეთის საგარეო საქმეთა მინისტრის შეხვედრა საქართველოს საგარეო საქმეთა მინისტრთან. ამასთან, გაიმართება შეხვედრები საქართველოს პრეზიდენტთან, პრემიერ-მინისტრთან, პარლამენტის თავმჯდომარესთან და ევროპული და ევროატლანტიკური ინტეგრაციის საკითხებში სახელმწიფო მინისტრთან.
რუმინეთის საგარეო საქმეთა მინისტრი გვირგვინით შეამკობს საქართველოს ერთიანობისთვის დაღუპულ გმირთა მემორიალს.
