საქართველოსა და მოლდოვას შეერთებული შტატები რუსეთის აგრესიასთან გასამკლავებლად 51 მილიონ დოლარს გამოუყოფს. ბიუჯეტის პროექტში, რომელიც ბარაქ ობამამ წარმოადგინა, საქართველოც მოხვდა. 2016 წლის ფისკალურ პროგრამაში წერია, რომ რუსეთის მხრიდან ზეწოლისა და დესტაბილიზაციის მცდელობების ფონზე საქართველოსა და მოლდოვას 51 მილიონი დოლარი გამოეყოფა, უკრაინა კი ვაშინგტონისგან 117 მილიონ დოლლარს მიიღებს.
