ყოფილი საგარეო საქმეთა მინისტრი მაია ფანჯიკიძე ბოლო დროს განხორციელებულ საკადრო ცვლილებებს ეხმიენება და განმარტავს, რომ ცვლილებები გამოიწვია ნათესაურ-კლანური ჯაჭვის წინააღმდეგ ქმედებებმა.
,, 7 თუ 8 მაღალი თანამდებობის პირმა დატოვა სამსახური ერთ კვირაში. არც ერთი არაა მინისტრი, თუმცა მნიშვნელოვანი თანამდებობები ეკავათ და რაც მთავარია, როგორც პარტიულ სტრუქტურებში, ისე სახელმწიფო სტრუქტურებში ღარიბაშვილის ძირითადი დასაყრდენი ძალაა. პრემიერს ეს ძალა გამოაცალეს. ამის უკან ბიძინა ივანიშვილია და ამაზე ღიად საუბრობენ. ჩემი აზრით, ცვლილებები გამოიწვია ნათესაურ-კლანური ჯაჭვის წინააღმდეგ ქმედებებმა. ეს პირადად პრემიერის და მთავრობის კრიზისია", - განაცხადა ფანჯიკიძემ.
