,,ნაცმოძრაობის" ერთ-ერთი ლიდერი მიხეილ მაჭავარიანი ,,ჯი-ეიჩ-ენთან" საუბარში ,,ასავალ-დასავალის" ჟურნალისტის ზაზა დავითაიას მიერ გავრცელებულ განცხადებას ეხმიანება და აცხადებს, რომ მისი მხრიდან გაკეთბულ ბრალდებაზე კომენტირება ზედმეტად მიაჩნია.
,,არანაირად არ ვთვლი საჭიროდ, რომ ზაზა დავითაიას გამონათქვამზე კომენტარი გავაკეთო. ჩემი მხრიდანან ამაზე კომენტარი ძალიან ზედმეტად მიმაჩნია", _აცხადებს ,,ჯი-ეიჩ-ენთან" საუბარში მაჭავარიანი.
,,ასავალ-დასავალის" ჟურნალისტი ზაზა დავითაია საგანგებო განცხადებას ავრცელებს, სადაც განმარტებულია, რომ ,,ნაცმოძრაობის" მხრიდან მის წინააღმდეგ დაიძრა დეზინფორმაციის კასკადი, რომელსაც სათავეში გიგა ბოკერია ჩაუდგა. როგორც დავითაიამ ,,ჯი-ეიჩ-ენს" აცნობა გადაცემა ,, P.S" ამზადებს მის წინააღმდეგ გადაცემას რომლის მიზანი იქნება დავითაიას სახელმწიფო მტრად წარმოჩენა.
,,ჩემთვის ცნობილი გახდა რომ ,,ნაცმოძრაობის" მხრიდან ჩემს წინააღმდეგ დაიძრა დეზინფორმაციის კასკადი, რომელსაც სათავეში ჩაუდგა გიგა ბოკერია. სარწმუნო წყარომ მომაწოდა ინფორმაცია მათი უახლოესი გეგმების შესახებ რაც გულისხმობს მათ მიერ კონტროლირებადი ელექტრონული მედიისა და ტელევიზიების საშუალებით ფართოდ გაშალონ ცილისმწამებლური კამპანია ჩემს წიანააღმდეგ. კერძოდ, გადაცემა ,, P.S" ამზადებს ცილისმწამებლურ გადაცემას ჩემს წინააღმდეგს სადაც ცალმხრივად იქნება გაშუქებული ჩემი საქმიანობა რაც მზიანად ისახავს ჩემს დისკრედიტაციას, ჩემი მსოფლმხედველური პოზიციებს გაყალბებს და საქართველოს სახელმწიფო მტრად ჩემს წარმოჩენას. Aახლახანს მიღებული მძიმე ტრანვისა და ჯანმრთელობის მდგომარეობის მიუხედავად ვაცხადებ მზადყოფნას ნებისმიერ ასეთ გადაცემაში მივიღო მონაწილეობა, სადაც წარმოვაჩენ ობიექტურ სიმართლეს, ხოლო იმ შემთხვევაში თუ კონკრეტული მედიასაშუალები ჩემი პოზიციის გარეშე ცალმხრივად გააშუქებენ ჩემს საქმიანობას უფლებას ვიტოვებ ისინი თავად ვამხილო დეზინფორმაციაში და საქართველოს სახელმწიფოს მტრობაში", _აცხადებს დავითაია.
შეგახსენებთ, რომ რამდენიმე დღის წინ ჟურნალისტი ზაზა დავითაიას "თავისუფალი ზონის" წარმომადგენლები დაესხნენ. აღნიშნულთან დაკავშირებით შინაგან საქმეთა სამინისტროს თანამშრომლებმა ორი პირი დააკავეს.
ზაზა დავითაიას ცემის ფაქტზე გამოძიება მიმდინარეობს ჯგუფურად ჩადენილი ხულიგნობის ფაქტზე (საქართველოს სსკ-ს 239-ე მუხლის მე-2 ნაწილის „ა" ქვეპუნქტით).
