სახელმწიფო მინისტრი ალექსი პეტრიაშვილი სოციალურ ქსელში რუსეთის საგარეო უწყების მიერ გავრცელებულ განცახდებას აფასებს და განმარტავს, რომ ის წარმოადგენს მუქარის შემცველ გაფრთხილებას.
,,ეს განცხადება ყველაფერია, გარდა რეგიონში სტაბილურობისა და უსაფრთხოების განმტკიცებასა და შენარჩუნებაში დაინტერესებული სახელმწიფოს, პრესაში გავრცელებულ ინფორმაციაზე გამოხმაურებისა. პირდაპირ რომ ვთქვათ, ის წარმოადგენს მუქარის შემცველ გაფრთხილებას იმ სახელმწიფოსი, რომელმაც მოახდინა ჩვენი ქვეყნის ტერიტორიების 20%-ის ოკუპაცია, არაფრად აგდებს საერთაშორისო შეთანხმებებსა და სამართლის ნორმებს და ჯერ კიდევ 90-იანი წლებიდან ყოველმხრივ ხელს უწყობდა აფხაზეთისა და ცხინვალის რეგიონის ტერიტორიებზე ექსტრემისტებისა და კრიმინალებისთვის ე.წ. "უსაფრთხო სამოთხის" შექმნას. ცინიზმია და სხვა არაფერი, რომ მაშინ, როდესაც თავად ეს სახელმწიფო ახდენს 21-ე საუკუნეში, სუვერენული უკრაინის ტერიტორიების ანექსიას, ღია აგრესიას მის წინააღმდეგ, განაგრძობს ჩვენი ქვეყნის ტერიტორიების 20% ოკუპაციას, შეწუხებით და მზრუნველობით საუბრობს სტაბილურობასა და უსაფრთხოებაზე სამხრეთ კავკასაიში", _აცახდებს პეტრიაშვილი და კიდევ ერთხელ ადასტურებს, რომ საქართველოს ტერიტორიაზე არ განიხილება სირიელი მეამბოხეების საწრთვნელი ცენტრის გახსნის საკითხი.
,,ვადასტურებ რა, რომ საქართველოს ტერიტორიაზე ნამდვილად არ განიხილება სირიელი მეამბოხეების საწრთვნელი ცენტრის გახსნის საკითხი, მოვუწოდებ რუსულ მხარეს, თავად გადააფასოს საკუთარი ქმედებები, შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულება, შეწყვიტოს უკრაინის ტერიტორიაზე სეპარატისტებისთვის ხელშეწყობა და საბრძოლო მოქმედებებში მონაწილეობა, უკან წაიღოს აფხაზეთისა და ცხინვალის რეგიონის/სამხრეთ ოსეთის უკანონო აღიარება და უკრაინის ტერიტორიების ანექსიაზე გადაწყვეტილება.ჩვენ კი, ჩვენი მხრივ, თავად მივიღებთ როგორც სუვერენული ქვეყანა, გადაწყვეტილებას, რომელი ცენტრი განთავსდეს და როგორი ფორმით ვიზრუნოთ რეგიონში მშვიდობის დამყარების საქმეში ჩვენი წვლილის შეტანაზე. ჩვენი ყველა ქმედება მიმართულია მხოლოდ და მხოლოდ რეგიონული უსაფრთხოების განმტკიცებისკენ და გრძელვადიანი სტაბილურობის დამყარებისკენ როგორც საქართველოში, ისე მთელს რეგიონში. გარწმუნებთ, რომ რუსეთთან მიმართებაში ზემოხსენებული პრობლემების მოგვარება მნიშვნელოვნად შეუწყობდა ხელს და დააჩქარებდა რუსეთთან სრულფასოვანი, კეთილმეზობლური, ურთიერთპატივისცემაზე დაფუძნებული ურთიერთობების აღდგენას, რისთვისაც მზაობა საქართველოს მთავრობამ არაერთხელ დაადასტურა!", _აცხადებს მინისტრი.
რუსეთის საგარეო საქმეთა სამინისტრო, საქართველოში სირიელი ამბოხებულების საწვერთნელი ბაზის შესაძლო შქმნის საკითხს ეხმიანება და საქართველოს პრემიერ მინისტრის განცხადებას ამ საკითხზე დამაჯერებლად მიიჩნევს.
„მოსკოვში ყურადღება მიაქცეს რამდენიმე ხნის წინ მედიაში გავრცელებულ ინფორმაციას საქართველოში ამერიკული საწვრთელი ბანაკის შექემნის შესახებ, სირიის ოპოზიციის ბოევიკების მოსამზადებლად. ზედმეტია იმაზე საუბარი, რომ თბილისის ასეთი გადაწყვეტილება, თუ ის მიღებული იქნებოდა, მნიშვნელოვან ზიანს მიაყენებდა სამხრეთ კავკასიაში, რუსეთის საზღვრებთან ახლოს, სტბილურობასა და უსაფრთხოებას. გარდაუვალი იქნებოდა ნეგატიური შედეგები ამ დროისათვის წარმატებულად განვითარებადი რუსეთ-საქართველოს ურთიერთობების ნორმალიზების პროცესისთვის. ამიტომაც, თბილისში გაკეთებული განცხადებები, მათ შორის ი. ღარიბაშვილის მიერ წარმოთქმული ოფიციალური უარყოფა, ჩვენს მიერ აღქმულია სერიოზულად. ყურადღებით მივადევნებთ თვალს ამ თემას", - ნათქვამია რუსეთის საგარეო უწყების კომენტარში.
