ყოფილი პრემიერ-მინისტრის ვანო მერაბიშვილის ადვოკატი ოთარ კახიძე ,,ჯი-ეი-ენთან" საუბარში აცხადებს, რომ მისი დაცვის ქვეშ მყოფის ჯანმრთელობის მდგომარეობა დამაკმაყოფილებელია და ის საბრძოლო განწყობაზეა.
,, მიმდინარეობს ვანო მერაბიშვილის საქმეების განხილვა სასამართლოში, ერთი საქალაქოშია, ერთიც სააპელაციოში. იგი ციხეში ძალიან კარგად გრძნობს თავს. მერაბიშვილის ჯანმრთელობის მდგომარეობა არის ძალიან კარგი, Aარის ოპტიმისტურ და საბრძოლო განწყობაზე", -განაცხადა ,,ჯი-ეიჩ-ენთან" საუბარში კახიძემ.
მისივე განმარტებით, მერაბიშვილის უკანონო პატიმრობასთან დაკავშირებით საქმე ევროსასამართლოშია და დაცვის მხარე განხილვის დაწყების მოლოდინშია.
,,ევროპის სასამართლოში მერაბიშვილის უკანონო პატიმრობასთან დაკავშირებით გაგზავნილია აპლიკაცია და ველოდებით განხილვის დაწყებას", _განაცხადა კახიძემ ,,ჯი-ეიჩ-ენთან" საუბარში.
შეგახსენებთ, რომ მერაბიშვილის, რომელიც მატროსოვის ციხეში იმყოფება სამართალდამცავებმა 2013 წლის 21 მაისს დააკვეს. იგი ბრალდებულია რამდენიმე საქმესთან დაკავშირებით.
