1 ოქტომბერს, ხანდაზმულთა საერთაშორისო დღესთან დაკავშირებით „სამედიცინო კორპორაცია ევექსის" ქსელში არსებულმა ბათუმის რეფერალურმა ჰოსპიტალმა და აჭარის ჯანდაცვის სამინისტრომ მორიგი ერთობლივი აქცია გამართა.
ბათუმის რეფერალური ჰოსპიტალის მედპერსონალმა და აჭარის ჯანდაცვის სამინისტროს წარმომადგენლებმა ბათუმის მოხუცებულთა თავშესაფარში ხანდაზმულებს მოინახულეს, ჰოსპიტალის მედიკოსებმა მათ საჭირო გამოკვლევები ადგილზე ჩაუტარეს.
მსოფლიო პირველ ოქტომბერს ხანდაზმულ ადამიანთა საერთაშორისო დღეს აღნიშნავს. 1990 წელს, ხანდაზმულთა პრობლემებისადმი მიძღვნილმა გაეროს მსოფლიო ასამბლეამ 1 ოქტომბერი ხანდაზმულთა საერთაშორისო დღედ გამოაცხადა.
