უფლებადამცველ ლია მუხაშავრიას ,,ჯი-ეიჩ-ენთან" საუბარში ,,განსხვავებული აქცენტების" მიერ გავრცელებულ ვიდეოჩანაწერის ავთენტურობაში ეჭვი შეაქვს და აცხადებს, რომ კანონიერ ქურდებთან დაკავშირებით ატეხილი აჟიოტაჟი არის ცრუ.
,,მე დარწმუნებული ვარ, რომ ციხეებს კრიმინალები არ აკონტროლებენ. უბრალოდ სიტუაცია არის მძიმე ობიექტური მიზეზების გამო. ობიექტური მიზეზები მდგომარეობის იმაში, რომ ადმინისტრაცია არ ყოფნის გამოცდილება, კვალიფიკაცია და ცოდა, რათა საპყრობილეების სამართავად გამოიყენოს ის ინსტიტუტები რომელიც წარმატებით სხვა ქვეყნებში მუშაობს. ამასთან დარწმუნებული ვარ, კანონიერ ქურდებთან დაკავშირებით ატეხილი მთელი ეს აჟიოტაჟი არის ცრუ და საზოგადოებას არასწორ ინფორმაციას აწვდიან", _განაცხადა მუხაშავრიამ.
მისივე განმარტებით, ,,რუსთავი-2" საზოგადოებაში არასწორ კამპანიას აგორებს.
,,რუსთავი-2"არასწორ კამპანიას აგორებს და საზოგადოებში დეზინფორმაციას ახდენს, რადგან მისი ხელმძღვანელი ნიკა გვარამია პირადად არის შეშინებული", _განაცხადა მუხაშავრიამ.
შეგახსენებთ, რომ ,,რუსთავი-2"-ის გადაცემა „განსხვავებული აქცენტები" ციხეებში არსებული მდგომარეობის შესახებ რამდენიმე ვიდეოჩანაწერი გაასაჯაროვა. ჩანაწერებში, რომელიც ძირითადად 2013 წელსაა გაკეთებული. მონაწიელეობენ კრიმინალური ავტორიტეტები და ციხის ე.წ. მაყურებლები. ისინი აიძულებენ მსაჯავრდებულებს ციხეში არსებულ მდგომარეობის შესახებ ინფორმაციები მიაწოდონ.
