მარათონი ზღვის დონიდან 1700-2200 მეტრ სიმაღლეზე, დიდი კავკასიონის გრანდიოზული ხედებისა და მყინვარწვერის ფონზე გაიმართება. იგი შესულია მსოფლიოს სათავგადასავლო მარათონების სიაში.

წარმოდგენილი იქნება მეტნაკლებად რთული და ამავდროულად საინტერესო მარშუტები სამ დისტანციაზე: 8 კმ, 21 კმ და 42 კმ.

მარათონში მონაწილეობას იღებს 200- მდე მორბენალი მსოფლიოს 30 ქვეყნიდან. მათ შორის ბიზნესმენები და დიპლომატიური კორპუსის წარმომადგენლები (აშშ, დიდი ბრიტანეთის, იაპონიის, შვეიცარიის საელჩოები, გაერო, ევროკავშირის მონიტორინგის მისია.)

„ყაზბეგის მარათონს" საქველმოქმედო დატვირთვა აქვს. იგი ეხმარება ლეიკემიით დაავადებულ ბავშვებს. კერძოდ, „მშობელთა სახლს" რომელიც ხანგრძლივი მკურნალობის ქვეშ მყოფი რეგიონებიდან ჩამოსული პაციენტებისა და მათი ოჯახის წევრებისთვის არის განკუთვნილი.

მარათონის ორგანიზატორი ტურისტული სააგენტო ვიზიტ ჯორჯია.

მხარდამჭერი ორგანიზაციები: საქართველოს ტურიზმის ადმინისტაცია, მცხეთა მთიანეთის გუბერნია, ყაზბეგის მუნიციპალიტეტი, სასტუმრო „რუმს ყაზბეგი".

სამედიცინო მხარდამჭერი-დავით ტატიშვილის სპორტული მედიცინისა და რეაბილიტაციის ცენტრი- Health Palace.