მალე თბილისის გარეუბნებს საპროტესტო ტალღა გადაუვლის _ გლდანისა და ავჭალის მოსახლეობა ქუჩაში გამოსვლას და გზის გადაკეტვას გეგმავს, - ამის შესახებ წერს გაზეთი "ქართული სიტყვა". გამოცემის ინფორმაციით, ხალხი "გალფი"-ს ე.წ. საწვავის ტერმინალის დასახლებული ტერიტორიებიდან გატანას მოითხოვს. საპროტესტო აქციები აქამდეც დაიწყებოდა, რომ არა ერთი ფაქტორი: ადგილობრივები ელოდებიან, თუ როგორ დამთავრდება მოლაპარაკება `გლდანის ხიდების~ ცნობილი ხანძრის შედეგად დაზარალებულებთან.
გაზეთი დაზარაბეულების კომენტარებს აქვეყნებს, რომლებიც აღნიშნავენ, რომ კოამპნიამ ზარალლი დაითვალა თუმცა, მას შედმეგ კონკრეტული ნჯაბიჯი აღარ გადადგმულა. კონიაკის დასახლების მცხოვრები გიორგი ლაშაური, ამბობს, რომ ერთადერთი გამოსავალი საპროტესტო აქციაა.
"იურისტი ვარ და ვიცი, რომ კანონით ამ საქმეს არაფერი ეშველება, ვერავის აიძულებ, თუ კეთილი ნება არ ექნება და თავის ტერიტორიას ისე გამოიყენებს, როგორც უნდა, ამიტომ ერთადერთი გამოსავალი საპროტესტო აქციაა, რომელსაც უახლოეს დღეებში ვგეგმავთ, იქნებ, ასე მაინც მივიპყროთ ხელისუფლების ყურადღება და ეს ბაზა მოგვაშოროს", - ამბობს ლაშაური. ჟურნალისტის კითხვაზე რატომ აჭიანურებენ ქუჩაში გამოსვლას, ლაშაური პასუხობს, რომ ანგარიშს უწევენ იმ ადამიანებს, რომლებიც ხანძრის შედეგად დაზარალდნენ.
"ჯერ მათი ამბავი გაირკვეს, დაველოდებით, როგორ მოექცევა "გალფი" და შემდეგ ვიმოქმედებთ. არ გვინდა, ჩვენი პროტესტით ისედაც გაუბედურებულ ხალხს ზიანი მივაყენოთ", - ამბობს რესპოდენტი.
შეგახსენებთ, რომ რამდენიმე დღის წინ, ცეცხლი გაუჩნდა კომპანია "გალფი"-ს კუთვნილ ავტომანქანას, რომელიც ამავე კომპანიის ბაზის ტერიტორიაზე იმყოფებოდა. ხანძრის შედეგად განადგურდა არა მხოლოდ `გალფი~-ს კუთვნილი ტერიტორიის დიდი ნაწილი, არამედ, მიმდებარე ტერიტორიაც, სადაც ე.წ. ავტობოქსები იყო განლაგებული.
