სომხეთის პრეზიდენტი სერჟ სარგსიანი თბილისის საერთაშორისო აეროპორტიდან საქართველოს პრეზიდენტმა გიორგი მარგველაშვილმა და ეროვნული უშიშროების საბჭოს მდივანმა ირინე იმერლიშვილმა გააცილეს. სომხეთის პრეზიდენტი საქართველოში ორდღიანი ოფიციალური ვიზიტით იმყოფებოდა. სერჟ სარგსიანს საქართველოს პრეზიდენტმა გიორგი მარგველაშვილმა უმასპინძლა, სომხეთის პრეზიდენტი ასევე შეხვდა საქართველოს პრემიერ-მინისტრს და პარლამენტის თავმჯდომარეს. სომხეთის რესპუბლიკის პრეზიდენტთან ერთად დელეგაციის შემადგენლობაში იყვნენ სომხეთის საგარეო საქმეთა, ტრანსპორტისა და კომუნიკაციების, კულტურის და დიასპორის მინისტრები, ასევე სომხეთის ეროვნული კრების ვიცე-პრეზიდენტი და საკანონმდებლო ორგანოს სხვა წარმომადგენლები.
