თბილისის სასწავლო უნივერსიტეტის რექტორი, ეკონომიკურ მეცნიერებათა აკადემიის ვიცე პრეზიდენტი, პროფესორი სოლომონ პავლიაშვილი, პრორექტორი თამარ ჯანგულაშვილი და ფინანსური მენეჯერი ლევან ჯანგულაშვილი ვარშავის საბუნებისმეტყველო და აგრარული მეცნიერების უნივერსიტეტის (Warsaw University of Life Sciences WULS - SGGW) რექტორის, პროფესორ ალოიზი ზიმანსკის მიწვევით, ერთკვირიანი საპასუხო სამუშაო ვიზიტით, ვარშავაში იმყოფებოდნენ - ერთი თვის წინ, ვარშავის საბუნებისმეტყველო და მეცნიერებების(აგრარული) უნივერსიტეტსა და თბილისის სასწავლო უნივერსიტეტს შორის ურთიერთთანამშრომლობის მემორანდუმი გაფორმდა.
„ვარშავის საბუნებისმეტყველო და აგრარული მეცნიერებების უნივერსიტეტი, რომელიც ევროპის უმაღლესი სასწავლებლების სამეულში შედის აგრარული მიმართულებით, სამაგისტრო და საბაკალავრო პროგრამის ფარგლებში, თბილისის სასწავლო უნივერსიტეტის სტუდენტებსა და კურსდამთავრებულებს სპეციალური საშეღავათო პირობებით მიიღებს. ამასთან, ქართული და პოლონური უნივერისტეტები ერთობლივ სამეცნიერო კვლევებს განახორციელებენ. თბილისის სასწავლო უნივერსიტეტის პრფესორ-მასწავლებლები, კვლიფიკაციის ამაღლების მიზნით, ვარშავაში გაემგზავრებიან. გარდა ამისა, პოლონეთის უმსხვილესი უმაღლესი სასწავლებელი ჩვენს უნივერსიტეტს შესაბამის საგრანტო პროგრამებში ჩართავს და მატერიალურ-ტექნიკური ბაზის გაუმჯობესებაშიც დაეხმარება," - განუცხადა „ჯი-ეიჩ-ენს" თბილისის სასწავლო უნივერისტეტის რექტორმა, პროფესორმა სოლომონ პავლიაშვილმა. მისივე თქმით, ეს პირველი შემთხვევაა, როცა ევროპის პრესთიჟული უმაღლესი სასწავლებელი კერძო ქართულ უნივერსიტეტთან თანამშრომლობს.
ცნობისთვის: ვარშავის საბუნებისმეტყველო და აგრარული მეცნიერებების უნივერსიტეტში (Warsaw University of Life Sciences WULS - SGGW) 27 000-მდე სტუდენტი სწავლობს. უმაღლესი სასწავლებლის ბიუჯეტი კი100 მილიონ ევროს სცდება.
ნიშანდობლივია, რომ თბილისის სასწავლო უნივერისტეტის სტუდენტები ვარშავაში, პოლონური უნივერისტეტის საერთო საცხოვრებელში შეღავათიან ფასად, თვეში 100 ევროდ იცხოვრებენ.
ვიზიტის ფარგლებში, ორივე უნივერსიტეტის რექტორი, პოლონეთში საქართველოს ელჩის, ნიკოლოზ ნიკოლოზიშვის მიწვევით, საელჩოში საქართველოს დამოუკიდებლობის დღისადმი მიძღვნილ საზეიმო ვახშამს დაესწრო.