აშშ-ს სახელმწიფო მდივნის მოადგილემ ვიქტორია ნულანდმა აშშ-ს მიერ უკრაინაში შექმნილი პრობლემების გადაწყვეტის ოთხი ძირითადი მიმართულება დაასახელა.
„უპირველეს ყოვლისა აშშ მხარს უჭერს უკრაინას ფინანსურად, ტექნიკურად და უსაფრთხოების არასიკვდილის მომტანი საშუალებებით 25 მაისს დაგეგმილი საპრეზიდენტო არჩევნების მომზადების საქმეში, ასევე ხმარს უჭერს იმ სამუშაო ჩატარებაში, რომელიც უკრაინის მოსახლეობის უსაფრთხოებასა და ხალხის მომავლის დაცვისათვის მიმდინარეობს",_ ნათქვამია უკრაინაში აშშ-ს საელჩოს „ფეისბუკზე" გამოქვეყნებულ ოფიციალურ ინფორმაციაში.
მეორე მიმართულება, ნულანდის თქმით, არის ის, რომ აშშ უკრაინასთან ერთად მუშაობს იმაზე, რომ „დატოვოს ღია კარი სიტუაციის დეესკალაციის დიპლომატიური გზებით მოგვარებისათვის, თუ რუსეთი შეიცვლის კურსს და სერიოზულ ძალისხმევას გასწევს ჟენევაში 17 აპრილს ხელმოწერილი შეთანხმების რეალიზაციისათვის".
მესამე მიმართულება, აშშ-ს სახელმწიფო მდივნის მოადგილის თქმითმ არის ის, რომ აშშ „განუხრელად ზრდის რუსეთისათის ეკონომიკურ საფასურს ყირიმის ოკუპაციისა და უკანონო ანექსიისათვის და იმისათვის, რომ რუსეთი განუხრელად ახორციელებს ძალისმევას აღმოსავლეთ უკრაინაში სიტუაციის გამწვავებისათვის". ამასთან დაკავშირებით, ნულანდი ასევე აცხადებს, რომ ვაშინგტონი რუსეთის წინააღმდეგ ახალი სანქციების დაწესებას კვლავ მოითხოვს.
„და მეოთხე მიმართულება არის ის, რომ ჩვენ მივმართავთ ძალისხმევას იქითკენ, რომ დავარწმუნოთ ნატო და ჩვენი მოკავშირეები და ვეხმარებით სხვა ფრონტისპირა სახელმწიფოებს, ისეთებს როგორებიც არიან მოლდოვა და საქართველო",_ აცხადებს ვიქტორია ნულანდი.
