უკრაინის პრეზიდენტმა ვოლოდიმირ ზელენსკიმ განაცხადა, რომ აშშ-ის პრეზიდენტ დონალდ ტრამპის სპეციალური წარმომადგენლების, სტივ უიტკოფისა და ჯარედ კუშნერის მოსკოვსა და კიევში ვიზიტების დროს უკრაინა რუსეთის საჰაერო სივრცის ნორმალურ ფუნქციონირებას უზრუნველყოფს, რათა ამერიკელმა მომლაპარაკებლებმა უსაფრთხოდ შეძლონ გადაადგილება.
„სტივ უიტკოფი და ჯარედ კუშნერი მოსკოვს ეწვევიან და კვირას კიევს ეწვევიან. ჩვენ ამ ვიზიტისთვის ვემზადებით“, - განაცხადა ზელენსკიმ.
მისივე თქმით, ამერიკელი წარმომადგენლების ვიზიტის პერიოდში უკრაინის მხრიდან საჰაერო დარტყმები არ იქნება.
„ჩვენ სწორედ მათზე ვზრუნავთ და არა რუსეთზე“, - აღნიშნა უკრაინის პრეზიდენტმა.
ზელენსკიმ ასევე განაცხადა, რომ რუსეთმა საპასუხოდ უნდა უზრუნველყოს სიჩუმე და შეწყვიტოს საჰაერო დარტყმები იმ დროით, რაც მოლაპარაკებებისა და ამერიკულ დელეგაციასთან დაკავშირებული ლოგისტიკური საკითხების მოსაგვარებლად იქნება საჭირო.
უიტკოფისა და კუშნერის ვიზიტები მოსკოვსა და კიევში ამ 5 და 6 სექტემბერს იგეგმება და ომის დასრულების საკითხზე მოლაპარაკებებს უკავშირდება. აშშ-ის წარმომადგენლები შეხვედრებს ჯერ მოსკოვში გამართავენ, შემდეგ კი - კიევში.
