თურქეთი მხარს უჭერს საქართველოს ტერიტორიულ მთლიანობას, ევროინტეგრაციას, ასოცირების ხელშეკრულების ხელმოწერას და ნატოსკენ სწრაფვას.
აღნიშნულთან დაკავშირებით, თურქეთის პრეზიდენტმა აბდულა გიულიმ საქართველოს პრეზიდენტის სასახლეში გამართულ დღევანდელ პრესკონფერენციაზე განაცხადა.
"ჩვენ ვიცავთ და პატივს ვცემთ საქართველოს ტერიტორიულ მთლიანობასა და სუვერენიტეტს. თურქეთს სჯერა, რომ ეს პრობლემა საერთაშორისო კანონმდებლობის შესაბამისად უნდა გადაიჭრას. ჩვენი ქვეყანა ყოველთვის მხარს უჭერდა საქართველოს მისრწაფებას ნატოსა და ევროკავშირში და ასე იქნება მომავალშიც. ასოცირების ხელშეკრულებას ხელს მალე მოაწერთ. ვფიქრობ, რომ ეს მნიშვნელოვანი განვითარებაა. გამოვხატავთ მტკიცე მხარდაჭერას ამ კუთხითაც. თურქი ინვესტორები დიდ ინვესტიციებს ახორციელებენ საქართველოში. ენერგოსექტორი ჩვენი თანამშრომლობის უმნიშვნელოვანესი სფეროა. ხელშეკრულების თანახმად, ელექტოენერგიის იმპორტ-ექსპორტის ოპერაციები იქმნება. თურქეთის გავლით, ენერგორესურსები ევრპოაში გავა,"-განაცხადა თურქეთის პრეზიდენტმა.
