უბედური შემთხვევა „ლიბერთი ბაკნის" ერთ-ერთ ფილიალში. ბათუმში ვაჟა-ფშაველას ქუჩის 48 ნომერში მდებარე ფილიალში 75 წლის ქალბატონი გარდაიცვალა. როგორც ტელეკომპანია TV25-თან საუბარში თვითმხლიველები ამბობენ, კუთვნილი პენსიის ასაღებად ბანკში მისული ქალბატონი მოულოდნელად მაშინ გახდა ცუდად, როდესაც ბანკს ხალხის ნაკადი მიაწყდა და იგი ჭყლეტაში მოჰყვა. ქალბატონს გული გაუხდა ცუდად და იგი სასწრაფო დახმარების ჯგუფის მისვლამდე გარდაიცვალა.
TV25-ის ინფორმაციით, მედიკოსთა ჯგუფს ქალბატონი უკვე გარდაცვლილი დახვდა.
„შესაძლო სავალალო შედეგებზე საუბრობენ პენსიონერები, რომლებსაც თანხის ასაღებად რიგში დგომა ყოველთვიურად, ხშირად კი რამდენიმე დღის გამავლობაშიც უწევთ. მოქალაქეები, რომლებიც ბათუმის ფარგლებს გარეთ ცხოვრობენ, აღნიშნავენ, რომ გაუთავებელი რიგები მათ დისკომფორტს უქმნის"- აღნიშნულია ტელეკომპანიის მიერ გავრცელებულ ინფორმაციაში.
