მომდევნო პლენარულ კვირას უკრაინის ოპოზიცია 2004 წლის კონსტიტუციაზე დაბრუნების საკითხს დააყენებს. განცხადება ამის შესახებ „ბატკივშინას" ლიდერმა არსენი იაცენიუკმა გააკეთა.
მისივე განმარტებით, უკრაინელები უპირველეს ყოვლისა ხელისუფლების თავგასულობისა და უსამართლობის გამო აჯანყდდნენ.
„ხელისუფლების განუკითხაობა ეს ხელისუფლების მონოპოლიაა. 2010 წელს საკონსტიტუციო სასამართლომ ხალხის ნების გარეშე, რადის გადაწყვეტილების გარეშე, რეფერენდუმის გარეშე მისცა პრეზიდენტს ის უფლებები, რომელთა გამო ის არავის აურჩევია".
„სამშაბათს ჩვენ რეალური საკონსტიტუციო ცვლილებების პროცესი გვინდა დავიწყოთ",- განაცხადა მან.
იაცენიუკი ასევე აცხადებს, რომ 2004 წლის კონსტიტუციაზე დაბრუნება ნიშნავს: დიქტატორის თანამდებობის გაუქმებას და პრეზიდენტის თანამდებობის დაბრუნებას. პარლამენტისადმი მთავრობის ჩამოყალიბების უფლების მინიჭებას. სასამართლო ხელისუფლების დამოუკიდებლობის აღდგენას. პარლამენტის გავლენის აღდგენას გენერალურ პროკურორსა და შს მინისტრზე.
მისივე თქმით, უმაღლეს რადას ახლა ბევრი რამის გაკეთება შეუძლია იმ შემთხვევაში თუ დეპუტატებს „რეგიონების პარტიიდან" არ შეეშინდებათ.
„რეგიონების პარტიამ უნდა გაიგოს, რომ ქვეყანა ხელისუფლების მონოპოლიზების წინააღმდეგია. ისინი ასევე მძევლები არიან ამ სიტუაციის.
ნუ გეშინიათ იანუკოვიჩის რეჟიმის. გეშინოდეთ მხოლოდ ერთის - სახალხო მრისხანების გეშინოდეთ და იმისი გეშნოდეთ, რომ დღეს თქვენი ყოფნა რეგიონების პარტიაში და თქვენი შიში იანუკოვიჩის რეჟიმის მიმართ, პირადად თქვენთვის მოტრიალდება სამარცხვინოდ", - განაცხადა იაცენიუკმა.
მასალის გამოყენების პირობები