„მთავრობა სარდაფში“,- ამ სახელწოდებით აჭარის მთავრობის სახლთან გაერთიანებული ოპოზიციის "ძალა ერთობაშია" წარმომადგენლები საპროტესტო აქცია გამართეს.
აქციის მონაწილეების განცხადებით, აჭარაში სიმბოლურად 41 კორუმპირებული პირია, რომელიც რეგიონის ბიუჯეტს ფაროსანასავით აზის.
მათ გუშინ გავრცელებულ ჩანაწერებთან დაკავშირებით განაცხადებს, რომ ხელისუფლება სარდაფებიდან იმართება.
„გუშინდელმა დღემ კიდევ ერთხელ დაადასტურა ის, რაზეც მთელი 6 წლის განმავლობაში ვსაუბრობდით. ფარული ჩანაწერები არის ნათელი დადასტურება იმისა, რომ ამ ქვეყანას არ ჰყავს ხელისუფლება და ქვეყანა იმართება სარდაფებიდან. 90-იან წლებში დაბრუნდა ქვეყანა, ამიტომ 28 ოქტომბერი უნდა იყოს განაჩენის გამოტანის დღე“,- განაცხადა „ნაციონალური მოძრაობის“ წევრმა მირდატ ქადამაძემ.
ცნობისთვის, რ2-ის მიერ გავრცელებული ჩანაწერი გლდანის #8 სასჯელაღსრულების დაწესებულებაშია გაკეთებული, რომელშიც სავარაუდოდ, პროკურატურის ყოფილი მაღალჩინოსანი, მირზა სუბელიანი საუბრობს. ჩანაწერის მიხედვით, სუბელიანთან საკანში იმყოფებიან „ქართული ოცნების“ დეპუტატი ვიქტორ ჯაფარიძე და ლტოლვილთა სამინისტროს ყოფილი მაღალჩინოსანი, გენერალური ინსპექციის ყოფილი თანამშრომელი დათო ცუხიშვილი.
მირზა სუბელიანთან ციხეში ვიზი დაადასტურა ვიქტორ ჯაფარიძემ.
