თემქაზე ანა ნაცვლიშვილის მკვლელობაში ბრალდებულ ლადო გრიგალაშვილის ადვოკატი, ნაირა ოტიაშვილი "ჯი-ეიჩ-ენთან" საუბარში დღეს გამოკითხული მოწმის ჩვენებაზე, რომლის მიხედვითაც იმ დროს, როცა ანას ეძებდნენ, ბრალდებული მკვლელობის ადგილის მიახლოებისას, აღელვდა, აცხადებს რომ შეყვარებულის მისაძებნად წასული ბიჭი, ბუნებრივია, აღელვებული იქნებოდა.
"ლადო ისედაც ნერვიულობდა, ისედაც აფორიაქებული იყო და ბუნებრივი რეაქცია იყო მისი აფორიაქება. დაწყნარებული და დამშვიდებული ვერ იქნებოდა ვეერც მისი მეგობრების და ვერც გარშემომყოფებისთვის", - აცხადებს ადვოკატი.
მისი განმარტებით, დღეს გამოკითხული მოწმეები ტენდენვიურები იყვნენ რადგან ისინი მოკლულის მეგობრები იყვნენ.
"მოწმეები ბრალდებულის მიმართ ნეგატიურად არიან განწყობილი, ვინაიდან ანა ნაცვლიშვილის მეგობრები არიან და შესაბამისად, შეიძლება ტენდენციურები იყვნენ. თუმცა, ინფორმაცია, რომ ანა ნაცვლიშვილს და ლადო გრიგალაშვილს კონფლიქტი ჰქონდათ, ან ეჭვიანობის ნიადაგზე რაიმე ყოფილიყო, არ დაუფიქსირებიათ. მათ ანას ძლიერ სიყვარულზეც ისაუბრეს, ლადოს სიყვარულულზეც და იმაზეც, რომ ანა მისი საცოლე იყო", - აცხადებს ოტიაშვილი.
შემდეგი სასმართლო სხდომა 23 ივლისს, 11:00 საათზე ჩაინიშნა.
