საფრანგეთი აპირებს გააგრძელოს დიალოგი რუსეთთან და სხვა ქვეყნებთან, რათა იპოვოს სრულყოფილი ინკლუზიური გადაწყვეტილება სირიის საკითხთან დაკავშირებით. ამის შესახებ საფრანგეთის პრეზიდენტმა სტრასბურგში ევროპარლამენტის სხდომაზე განაცხადა.
მან აღნიშნა, რომ საფრანგეთი გააგრძელებს მუშაობას სირიაში პოლიტიკური ინკლუზიური გადაწყვეტილების შემუშავების განვითარებაზე. "ჩვენ ვსაუბრობთ ყველასთან - რუსეთთან, თურქეთთან, ირანთან და ასევე სირიის რეჟმთანაც და მთელ ოპოზიციურ ძალებთან, რათა ავაშენოთ სირიაში ხვალინდელი დღე“ - აცხადებს მაკრონი.
საფრანგეთის პრეზიდენტმა ასევე აღნიშნა, რომ „საფრანგეთის, დიდი ბრიტანეთის და აშშ-ს დარტყმებს არანაირი საერთო არ აქვს არც ერაყთან და არც ლიბიასთან, რადგან საფრანგეთს, ომი არავისთვის გამოუცხადებია".
მან ასევე დასძინა, რომ მთავარი მიზანი, რომელსაც საფრანგეთი მისდევს სირიაში, არის ბრძოლა „ისლამური სახელმწიფოს“ ტერორისტულ დაჯგუფებებთან. „ეს ერთადერთი ომია, რომელსაც საფრანგეთი სირიაში ატარებს“ - განაცხადა პრეზიდენტმა და კიდევ ერთხელ გაუსვა ხაზი, რომ დარტყმები რომელიც იყო განხორციელებული შაბათს სამი ქვეყნის მხრიდან, აბსოლუტურად ლეგიტიმური იყო.