ამ წუთებში, თბილისის საქალაქო სასამართლოში დავით როსტომაშვილზე თავდასხმის საქმეზე ბრალდებულები საბოლოო სიტყვას ამბობენ.
მათი სიტყვის დასრულების შემდეგ გახდება ცნობილი, აღნიშნულ საქმეზე მოსამართლე ნათია გუდაძე განაჩენს დღეს გამოაცხადებს თუ არა.
როგორც „ჯი-ეიჩ-ენთან“ ერთ-ერთი ბრალდებულის, ზურა ქუთელიას ადვოკატმა, მარინა ჩიმაკაძემ განაცხადა, დღევანდელ პროცესზე მნიშვნელოვანი დეტალები გამოიკვეთა. შესაბამისად, მას გამამართლებელი განაჩენის მოლოდინი აქვს. ბრალდების მხარე კი აცხადებს, რომ საქმეში არსებული მტკიცებულებები, გამატყუნებელი განაჩენის საფუძველს იძლევა. აღსანიშნავია, რომ პროცესს თავად დავით როსტომაშვილი არ ესწრება.
ცნობისთვის, დავით როსტომაშვილზე თავდასხმის საქმეზე სამი პირია ბრალდებული - ბექა კირვალიძე, ზურაბ ქუთელია და არტემ აგაჯამოვი. მათგან ბრალს მხოლოდ კირვალიძე აღიარებს, ისიც ნაწილობრივ, მხოლოდ ცემის ნაწილში.
ბექა კირვალიძეს წარდენილი აქვს 179-ე მუხლის მე-2 ნაწილის "ბ" და მე-3 ნაწილის "ა" ქვეპუნქტები, 238-ე პრიმა მუხლის მეორე ნაწილით და 379-ე მუხლის პირველი ნაწილით. ითვალისწინებს თავისუფლების აღკვეთას რვიდან თორმეტ წლამდე. არტემ აგაჯანოვს წარდგენილი აქვს 25-179-ე მუხლის მეორე ნაწილის "ბ" ქვეპუნქტი , ითვალისწინებს ექვსიდან ცხრა წლამდე. ზურაბ ქუთელიას წარდგენილი აქვა 179-ე მუხლის მეორე ნაწილის "ბ" ქვეპუნქტი ითვალისწინებს ექვსიდან ცხრა წლამდე თავისუფლების აღკვეთას.