თბილისში, თემქის დასახლებაში მოკლული ანა ნაცვლიშვილის მეზობლები აცხადებენ, რომ ის შეყვარებულთან ხშირად ჩხუბობდა.
მათივე განცხადებით, ჩხუბის მიზეზი, ძირითად შემთხვევაში, ეჭვიანობა იყო.
"ეჭვიანობის ნიადაგზე ჩხუბობდნენ, ეს ბიჭი სხვაგან გაივლიდა და მორჩა", - აღნიშნავს ერთ-ერთი მეზობელი, რომელიც ვერ აკონკრეტებს, მკვლელობამდე ჰქონდათ თუ არა მათ ურთიერთობა აღდგენილი.
შეგახსენებთ, შინაგან საქმეთა სამინისტროს ინფორმაციით, თბილისში ანა ნაცვლიშვილის მკვლელობის ბრალდებით მისი მეგობარი ბიჭი დააკავეს. დაკავებულია 1997 წელს დაბადებული პირი, რომლის მიერ ჩადენილი დანაშაული 7-დან 15-წლამდე თავისუფლების აღკვეთას ითვალისწინებს.
ცნობისთვის, დღეს დილით, გამთენიისას თბილისში, თემქის დასახლებაში ანა ნაცვლიშვილის ცხედარი იპოვეს. გამოძიება განზრახ მკვლელობის ფაქტზე, საქართველოს სსკ-ს 108-ე მუხლით დაიწყო.