თურქეთმა სირიის საზღვარზე დისლოცირებული ძალები გაძლიერებულ სამხედრო მზადყოფნაში მოიყვანა. ამის შესახებ სააგენტო „ანადოლუ“ იტყობინება. გავრცელებული ინფორმაციით, ანკარამ ჰატაის პროვინციაში დამატებითი ძალები და სამხედრო ტექნიკა გადაისროლა. არ არის გამორიცხული, თურქეთმა აფრინის რაიონში სამხედრო ოპერაცია ჩაატაროს, რის შესახებაც პრეზიდენტმა ერდოღანმა 13 იანვარს განაცხადა. ოპერაცია „დემოკრატიული კავშირის“ წინააღმდეგ იქნება მიმართული, რომელსაც ანკარა ტერორისტულ ორგანიზაციად აცხადებს.