ე.წ ციანიდის საქმის ადვოკატი, გიორგი ფანცულაია სოციალურ ქსელ Facebook-ის პირად გვერდზე წერს, გასული წლის ნოემბერში მის მანქანაზე მომხდარი თავდასხმისა და მუქარის მუქარის შესახებ წერს.
"ჯი-ეიჩ-ენი" ტექსტს უცვლელად გთავაზობთ:
"2017 წლის ოქტომბერში მეტრო რუსთაველის ტერიტორიზე, კერძოდ მაკდონალდსის და კინოს სახლს შორის მეყენა მანქანა პარკინგზე. დაახლოებით 21:00 საათი იყო... როცა დავბრუნდით მე და მია ზოიძე მანქანასთან, მანქანა საშინელი დალეწილი დაგვხვდა განზრახ ფიზიკური ძალის გამოყენებით! როგორც "სტაიანჩიკი" მეუბნებოდა, ვიღაც შავებში ჩაცმული მამაკაცი მივიდა და განზრახ დალეწა, ხოლო იქ მისულ "სტაიანჩიკს" ხელი კრა და წავიდა. შემთხვევის ადგილზე გამოვიძახეთ პოლიცია. ჩაატარეს შემთხვევის ადგილზე სხვადასხვა საპროცესო მოქმედებები. ირგვლივ დამონტაჟებული არის, მაკდონალდსის, ვალუტის ჯიხურის და კინო სახლის არაერთი კამერა. ასევე დამნაშავემ გაიარა გვერდით არსებული "თი-ბი-სი" ბანკის კამერები. "სტაიანჩიკი" მზად იყო ეს პირი კამერებზე ამოეცნო და ეს ჩვენებაშიც დააფიქსირა. ეს ხდება დაახლოებით 10 დღით ადრე, სანამ მე წერილი მომდის, რომ თუ არ გავჩერდები ციანიდის საქმეზე ტვინს დამასხმევინებდნენ და ამ წერილის შესახებ ალბათ ყველამ იცის... იმისათვის, რომ არ მომეხდინა ფაქტის ანგაჟირება და გამოძიებას მშვიდ გარემოში ემუშავა არ მომიხდენია ფართო საზოგადოების საქმის კურსში ჩაყენება... დღეს უკვე 2 თვის თავზე ვიგებ ე.წ. შემაჯამებელ პასუხს... "დიპლომატიურად", იმის შესახებ რომ გამოძიება მიდის... ხოლო როგორც სამართალმცოდნე ვეკითხები დეტალებს, ვხვდები რომ ყველას ყველაფერი შერჩა... ანდა ვინ იცის საიდან ქროდა ეს ქარი", - წერს გიორგი ფანცულაია.
გიორგი ფანცულაიამ სოციალურ ქსელში მუქარის შემცველი შეტყობინება 2017 წლის ნოემბერში მიიღო. შეტყობინების ავტორი გრიგოლ განჯელის სახელითაა დარეგისტრირებული.
