ერთ-ერთი ტოტალიზატორი ფსონებს საქართველოს ყოფილი პრეზიდენტისა და ოდესის ოლქის ყოფილი გუბერნატორის, მიხეილ სააკაშვილის შესახებ იღებს.
აზარტის მოყვარულებს სპეციალური ფსონების დადება შემდეგ პოზიციებზე შეუძლიათ:
„გახდება თუ არა მიხეილ სააკაშვილი ახალი მაიდნის ორგანიზატორი 3 თვის განმავლობაში“, „იქნება თუ არა მიხეილ სააკაშვილი გაძევებული უკრაინიდან 1 თვის განმავლობაში“, „გახდება თუ არა მიხეილ სააკაშვილი საერთო ოპოზიციის ლიდერი“, „შეძლებს თუ არა მიხეილ სააკაშვილი თავისი ძალებით მიაღწიოს კიევამდე 19 სექტემბრამდე“, „დააპატიმრებენ თუ არა მიხეილ სააკაშვილს 25 სექტემბრამდე“.
ცნობისთვის, საქართველოს ყოფილი პრეზიდენტისა და ოდესის ოლქის ყოფილი გუბერნატორის მიხეილ სააკაშვილის საქმის სასამართლო განხილვა უკრაინაში 18 სექტემბერს არის დაგეგმილი.
სააკაშვილის ბრალი უკრაინის სახელმწიფო საზღვრის უკანონო გადაკვეთაში ედება. საქართველოს ექსპრეზიდენტმა საზღვრის უკანონოდ გადაკვეთის შესახებ ადმინისტრაციულ პროტოკოლს ხელი მოაწერა.