თარიღი    დრო

ეკა ბესელიამ სასამართლო სისტემის რეფორმის სტარტეგიასა და საჭირო საკანონმდებლო ცვლილებებთან დაკავშირებით გამართულ შეხვედრაში მონაწილეობა მიიღო

საქართველო, თბილისი - 16:58 07.16.2017 235

15-16 ივლისს, ქობულეთში საქართველოს იუსტიციის უმაღლესი საბჭოს, საქართველოს პარლამენტის იურიდიულ საკითხთა კომიტეტისა და საქართველოს იუსტიციის სამინისტროს ერთობლივი შეხვედრა გაიმართა, სადაც სასამართლო სისტემის რეფორმის სტრატეგიაზე და მისი აღსრულებისთვის საჭირო საკანონმდებლო ცვლილებების პრიორიტეტულ საკითხებზე იმსჯელეს. 

შეხვედრის ფარგლებში, სასამართლო სისტემის ძირითად გამოწვევებზე და დაგეგმილ რეფორმებზე მოხსენება გააკეთეს საქართველოს უზენაესი სასამართლოს თავმჯდომარემ, ნინო გვენეტაძემ,იურიდიულ საკითხთა კომიტეტის თავმჯდომრემ, ეკა ბესელიამ, იუსტიციის მინისტრმა, თეა წულუკიანმა და იუსტიციის უმაღლესი საბჭოს მდივანმა, გიორგი მიქაუტაძემ. შეხვედრის მონაწილეებს ევროკავშირის ელჩი საქართველოში, იანოშ ჰერმანი მიესალმა.

საქართველოს იუსტიციის უმაღლესმა საბჭომ 2017 წლის მაისში სასამართლო სისტემის რეფორმის 5-წლიანი სტრატეგია და 2- წლიანი სამოქმედო გეგმა დაამტკიცა.

აღნიშნულ დოკუმენტებზე მუშაობა ერთი წლის განმავლობაში სპეციალურად შექმნილი სტრატეგიული კომიტეტის ფარგლებში მიმდინარეობდა, სასამართლო, აღმასრულებელი და საკანონმდებლო ხელისუფლების წარმომადგენლების ჩართულობითა და სამოქალაქო საზოგადოების ფართო მონაწილეობით.

პროცესს საწყისი ეტაპიდანვე მხარს უჭერდნენ საერთაშორისო დონორი ორგანიზაციები, როგორც ტექნიკური თვალსაზრისით, ასევე საერთაშორისო ექსპერტიზის კუთხით. დამოუკიდებელი საქართველოს ისტორიაში ეს გახდა პირველი პრეცედენტი, როდესაც სასამართლო სისტემის რეფორმის სტრატეგია სწორედ სასამართლო ხელისუფლებამ შეიმუშავა.

სამუშაო შეხვედრა EU4Justice - სასამართლო მხარდაჭერის პროექტის და საერთაშორისო განვითარების სააგენტოს (USAID) პროექტის „კანონის უზენაესობის მხარდაჭერა საქართველოში" (PROLoG) ფინანსური მხარდაჭერით გაიმართა.




komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 80.2%
შემცირდა 16.7%
არ შეცვლილა 3.1%