საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს ინფორმაციით, შავ ზღვაში გემის ჩაძირვის შედეგად დაღუპული სამი მეზღვაურის იდენტიფიკაცია მოხდა, მათ შორის საქართველოს მოქალაქე არ არის. სამი მეზღვაურიდან ორი მათგანი უკარინის, ხოლო ერთი- რუსეთის მოქალაქეა.
შავ ზღვაში სატვირთო გემი «Герои Арсенала» ჩაიძირა. არსებული ინფორმაციით, ეკიპაჟის 12 წევრიდან 1 წევრის გადარჩენა მოხერხდა, სამი გარდაცვლილი იპოვეს, დანარჩენებზე კი სამძებრო სამუშაოები მიმდინარეობს. ყირიმის საგანგებო სიტუაციების სამინისტროს მთავარი სამმართველოს პრესსამსახურის ცნობით, მათ ადგილობრივი დროით 03:54 საათზე SOS-ის სიგნალი მიიღეს. სატვირთო გემი პანამის დროშის ქვეშ ცურავდა. არსებული ცნობით, ეკიპაჟის 12 წევრიდან ცხრა უკრაინის მოქალაქე იყო, ორი - რუსეთის, ერთი კი საქართველოს მოქალაქე.
