ყოველი მათი იდეა არის სასაცილო, ხარჯიანი და ქვეყნისათვის დამაზიანებელი, - განაცხადა „ნაციონალური მოძრაობის“ წევრმა რომან გოცირიძემ პრემიერ-მინისტრის ახალ ინიციატივასთან დაკავშირებით, რომელიც ორთაჭალაში, სამთავრობო ქალაქის მშენებლობას ითვალისწინებს.
„ოთხი წლის განმავლობაში ამ ხელისუფლებიდან არ მოგვისმენია არც ერთი სიახლე გაკეთებულ საქმეებზე. თუკი რამე კეთდება, ეს არის წინათ დაწყებული საქმის ინერციით გაგრძელება. ყოველი მათი ახალი იდეა, ეს არის დამაზიანებელი და უაზრო. ახლა შემოაქვთ ახალი უქმე დღე. უნდა იზეიმონ დიდგორზე გამარჯვება. თითქოსდა დავით აღმაშენებლის გამარჯვების თანამონაწილეები იყვნენ ეს უქნარა ადამიანები. არავინ უშლის მათ ზეიმს და უქმე დღის დაწესებას. რატომ ვაცხადებთ უქმე დღედ, როცა საქართველო პირველ ადგილზეა მსოფლიოში უქმე დღეებით? ამიტომ ყოველი მათი იდეა არის სასაცილო, არის ხარჯიანი და ქვეყნისათვის დამაზიანებელი,“ - განაცხადა რომან გოცირიძემ.
საქართველოს პრემიერ-მინისტრმა მთავრობის დღევანდელ სხდომაზე განაცხადა, რომ ორთაჭალაში სამთავრობო ქალაქის მშენებლობა იწყება,
სადაც პრაქტიკულად, ყველა სამინისტრო განთავსდება.