თბილის საქალაქო სასამართლომ კონსტიტუციის უსაფრთხოების დაცვის დეპარტამენტის ყოფილ უფროსის ლევან ქარდავას ადვოკატის შუამდგომლობა აღმკვეთ ღონისძიებად გირაოს შეფარდების შესახებ არ დააკმაყოფილა და ლევან ქარდავა პატიმრობაში დატოვა. როგორც პროცესის დასრულების შემდეგ ქარდავას ადვოკატმა განაცხადა მან მიმართა სასამართლოს შუამდგომლობით ქარდავას აღმკვეთი ღონისძიების გირაოს 10 000 ლარის შეფარდების შესახებ.
,,ჩვენი შუამდგომლობა საკმაოდ დასაბუთებული იყო. ლევან ქარდავა თავისუფლებაში ყოფნის შემთხვევაში ხელს გამოძიებას არანაირად არ შეუშლიდა, მაგრამ ეს გარემოებები გათვალისწინებული არ იქნა და პატიმრობაში რჩება", _ განაცხადა ლევან ქარდავას ადვოკატმა კახა შონიამ.
შეგახსენებთ, რომ ლევან ქარდავას ბრალად სამსახურეობრივი უფლებამოსილების გადამეტება, უკანონო მოსყიდვების განხორციელება და თავისუფლების უკანონო აღკვეთა ედება.
