აფხაზეთის ავტონომიური რესპუბლიკის მთავრობის თავმჯდომარე გიორგი ბარამია აფხაზეთში სეპარატისტების მიერ ქართველების უძრავი ქონების დაკანონებას კიდევ ერთ ანტიქართულ აქციად აფასებს.
მისი თქმით, ქართული მოსახლეობის მიერ მიტოვებული სახლების დაკანონება შედის როგორც სეპარატისტების, ასევე რუსი ოკუპანტების ინტერესებში/
"სეპარატისტების მხრიდან ამგვარი ქმედება ყველანაირად მოკლებულია სამართლებრივ ნორმებსა და პრინციპებს. ასევე, ასეთი ქმედებები შეიძლება განხილულ იქნეს როგორც ექსპროპრიაცია ანუ სეპარატისტების მიერ კერძო ქონების კონფისკაცია.
ქართული მოსახლეობის მიერ მიტოვებული სახლების დაკანონება შედის როგორც სეპარატისტების, ასევე რუსი ოკუპანტების ინტერესებში, რადგან შემდგომ განხორციელდება ჩამორთმეული სახლების რუსი ოკუპანტებისათვის გადაცემა, კერძოდ გალისა და მის რაიონებში განთავსებული ე.წ. რუსი მესაზღვრე ოფიცრების ოჯახებისათვის. Yყოველივე ეს კეთდება იმისათვის, რომ დევნილ მოსახლეობას მომავალში აღარ ჰქონდეს საკუთარი სახლების სამართლებრივი მოთხოვნის უფლება", _ განაცხადა ბარამიამ.
