იუსტიციის სამინიტროში მიგრაციის პოლიტიკის განვითარების საერთაშორისო ცენტრის (ICMPD) წარმომადგენლებთან შეხვედრა გაიმართა. შეხვედრას მიგრაციის საკითხებზე სამთავრობო კომისიის თავმჯდომარე, იუსტიციის მინისტრის მოადგილე გიორგი ვაშაძე ესწრებოდა.
გარდა ამისა, ICMPD საქართველოში თავისი წამრომადგენლობის გახსნას გეგმავს. ეს საკითხი ამჟამად საქართველოს შესაბამის უწყებებში განიხილება. როგორც შეხვედრაზე აღინიშნა, საკითხის დადებითად გადაწყვეტა მნიშვნელოვნად შეუწყობს ხელს საქართველოში მიგრაციის პროცესის მართვის ეფექტური სისტემის ჩამოყალიბებას.
ICMPD მიგრაციისა და თავშესაფრის მაძიებლობის სფეროში არსებული პრობლემების კუთხით მუშაობს. ორგანიზაცია გაეროს დამკვირვებლის სტატუსით სარგებლობს და მისიები გააჩნია ევროპის სხავადასხვა ქვეყნებში, ჩრდილოეთ აფრიკასა და შუა აღმოსავლეთში. ორგანიზაციის ძირითადი საქმინაობაა: მიგრაციის კუთხით სამთავრობოთაშორისი დიალოგი, შესაძლებლობების გაზრდა, კვლევა და სხვა.