საქართველოში ევროკავშირის მისიის ხელმძღვანელი, ელჩი ჰანსიორგ ჰაბერი ამ თანამდებობაზე თავისი მოღვაწეობის შედეგების შეჯამებისას, საქართველოსა და მისი სეპარატისტული რეგიონების საზღვრისპირა რაიონებში სტაბილურობისა და უსაფრთხოების თვალსაზრისით სიტუაციის მნიშვნელოვან პროგრესზე საუბრობს.
"მისიის სამუშაოს დასაწყისში არსებულ მდგომარეობას დღევანდელს თუ შევადარებთ, იგი რა თქმა უნდა, დამშვიდდა. ჩვენ შევძელით და გარკვეულ ნდობას მივაღწიეთ მოლაპარაკებათა პროცესის მონაწილეთა შორის, საუბარია მოლაპარაკებების ქართველ, რუს, აფხაზ და სამხრეთ ოსეთის მონაწილეებზე. საქართველოს ხელისუფლება გვარწმუნებს, რომ სიტუაცია ამჟამად უფრო მშვიდია, ვიდრე 2008 წლის აგვისტოში", - განაცხადა ჰაბერმა ჟურნალისტებთან საუბრისას.
მისივე თქმით, ნდობის აღდგენას ასევე ხელს უწყობს ინციდენტების პრევენციისა და მათზე რეაგირების სამუშაო ჯგუფების შეხვედრები.
"ეს შეხვედრები ნდობის შექმნის ინსტრუმენტია და მას ორი ასპექტი აქვს - პირადი ნდობა და შედეგიანობა და, რა თქმა უნდა, ცხადია, რომ ქართველ, აფხაზ და სამხრეთოსეთელ ჩინოვნოვნიკებს შორის ნდობის აღდგენა ხდება. ცხადია, რომ მათ შორის მოლაპარაკებები მიდის ამ მექანიზნმის ფარგლებს გარეთაც და ეს ჩემთვის ძალიან მნიშვნელოვანია", _ აცხადებს ჰაბერი.
საქართველოში ევროკავშირის მისიის ხელმძღვანელი ასევე აღნიშნავს, რომ გაუმჯობესდა გაადაადგილება საქართველო-აფხაზეთის ადმინისტრაციულ საზღვარზე და ეს "მათ შორის რუს მესაზღვრეთა დამსახურებაა" და ეს ხდება მიუხედავად იმისა, რომ ევროკავშირის არ აღიარებს მათი აფხაზეთისა და სამხრეთ ოსეთის ტერიტორიაზე ყოფნის კანონიერებას.
საქართველოში ევროკავშირის მისიის სადამკვირვებლო მისია კვლავ მოითხოვს აფხაზეთისა და ე.წ. სამხრეთ ოსეთის ტერიტორიაზე დამკვირვებელთა შეშვებას. თუმცა მიუხედავად ამისა აღნიშნავს, რომ "მისია მაინც ეფექტურად ასრულებს თავის მანდატს".
ჰაბერი ასევე აღნიშნავს, რომ ამ ტერიტორიებზე ევროკავშირის დამკვირვებლების შეშვებას უახლოეს დროში არ ვარაუდობს.
რაც შეეხება საქართველო-რუსეთის ურთიერთობებს, ჰაბერმა განაცხადა , რომ საქმის მდგომარეობა "დამაკმაყოფილებელი არ არის".
მასალის გამოყენების პირობები