მოსკოვში ოპოზიციის აქცია დაარბიეს. მემარცხენე ფრონტის ლიდერობით ოპოზიციურმა პარტიებმა გასულ საღამოს "რისხვის დღე" მოაწყეს. აქციის მონაწილეები კარლ მარქსის ძეგლთან შეიკრიბნენ. დემონსტრაცია სანქცირებული იყო, თუმცა მოგვიანებით სერგეი უდალცევმა მომხრეებს პრეზიდენტის ადმინისტრაციისკენ დაძვრისკენ მოუწოდა, რასაც არეულობა მოჰყვა.
სამართალდამცავებმა ოპოზიციის 17 მომხრე, მათ შორის, მემარცხენე ფრონტის ლიდერი სერგეი უდალცევი დააკავეს. ამ დროისთვის უდალცევი გათავისუფლებულია, თუმცა მის წინააღმდეგ საქმე საზოგადოებრივი წესრიგის დარღვევის მუხლით აღიძრა.
თავად ოპოზიციის ლიდერი აცხადებს, რომ 16 ადამიანი ამ დრომდე ციხეში რჩება. უდალცევის თქმით, ასეთ პოლიტიკას თუ გააგრძელებს რუსეთი, მალე აღარ იარსებებს.