დღეს, 15:00 საათზე საქართველოს ეროვნული მუზეუმის აუდიტორია ცნობილ ინგლისელ მეცნიერს, ოქსფორდის უნივერსიტეტის პროფესორს მაიკლ ვიკერსს უმასპინძლებს. პროფესორი წაიკითხავს ლექციას თემაზე: "ებრაული და ადრექრისტიანული სიძველენი რომაული კატაოკმბებიდან: ოქსფორდის ეშმოლეან მუზეუმის ახალი შენაძენები".
მაიკლ ვიკერსი ოქსფორდის უნივერსიტეტის არქეოლოგიის პროფესორი და აშმოლეან მუზეუმის ბერძნული და რომაული სიძველეების კურატორია. Mმაიკლ ვიკერსი ანტიკური კულტურისა და ისტორიის ცნობილი მკვლევარია და მსოფლიოს სხვადასხვა ქვეყნების უნივერსიტეტებისა და ინსტიტუტების წევრ-კორესპონდენტია. საქართველოსთან მას მრავალწლიანი სამეცნიერო თანამშრომლობა აკავშირებს. 1994 წლიდან მონაწილეობას იღებდა ვანის არქეოლოგიურ ექსპედიციებში, ხოლო 1998 წლიდან აჭარაში, ფიჭვნარში, ბრიტანულ-ქართული ერთობლივი არქეოლოგიური გათხრების თანახელმძღვანელია (ა. კახიძესთან ერთად).
ებრაული კულტურის ამსახველი ექსპონატები საქართველოს ეროვნულ მუზეუმშიცაა დაცული, მიმდინარეობს მათი კვლევა და ამ მიმართულებით უკვე არაერთი პროექტი განხორციელდა.
