რენე ჰარლენის ფილმს "აგვისტოს ხუთი დღე", რომელიც რუსეთY-საქართველოს ომს ასახავს, მაყურებელი პირველად ვალენსიაში სათავგადასავლო ფილმების ფესტივალზე ნახავს. ფილმის ჩვენება 15 აპრილს იგეგმება.
დიასპორის საკითხებში სახელმწიფო მინისტრ პაპუნა დავითაიას ხელმძღვანელობით, ქართული დელეგაცია ესპანეთში უკვე გაემგზავრა.
ჰოლივუდის ქართული პროექტი ხუთდღიან საერთაშორისო ფესტივალს დახურავს. ჩვენებას რეჟისორი რენე ჰარლენი და მსახიობები დაესწრებიან. რუსული აგრესიის შესახებ გადაღებულ ფილმში მიხეილ სააკაშვილის როლს ცნობილი მსახიობი ენდი გარსია ასრულებს.
კინოსურათის ნახვის საშუალება დიდ ეკრანებზე ევროპელ და ქართველ მაყურებელს ზაფხულში ექნება.
როგორც ფილმის პროდიუსერი კობა ნაყოფია აცხადებს, ფილმი დასრულებულია. ამასთან, ნაყოფია დარწმუნებულია, რომ უახლოეს პერიოდში მთელი მსოფლიო ნახავს ამ ფილმს.
