ეგვიპტის ექს-პრეზიდენტი ჰოსნი მუბარაქი რევოლუციის შემდეგ ტელეეკრანზე პირველად გამოჩნდა. როგორც მან ტელეკომპანია "არაბიას" ეთერში განაცხადა, მის მიმართ წაყენებული ბრალდებები უსაფუძვლოა და ის თავს დამნაშავედ არ ცნობს.
"ჩემს მიმართ წაყენებული ბრალდებები უსაფუძვლოა. მე ჩემ სიმართლეს დავიცავ", - განაცხადა მუბარაკმა.
ამასთან, მან კომენტარი გააკეთა მის საბანკო ანგარიშებთან დაკავშირებითაც და აღნიშნა, რომ მას ანგარიში ეგვიპტის მხოლოდ ერთ ბანკში აქვს გახსნილი.
როგორც ცნობილია, ეგვიპტის ყოფილ პრეზიდენტს ბრალი ქვეყანაში, მიმდინარე წლის იანვარ-თებერვალში მიმდინარე არეულობის დროს მომიტინგეებისთვის ცეცხლის გახსნის ბრძანების გაცემაში ედება. ასევე მუბარაქს და მის ოჯახს ეგვიპტის გარდამავალი მთავრობა
ქვეყნის სიმდიდრეების მითვისებასაც ედავება.
