რესპუბლიკელი სენატორები აშშ-ის მიერ გერმანიიდან ჯარების გაყვანის გადაწყვეტილების გამო შეშფოთებას გამოთქვამენ. იუწყება Reuters
რესპუბლიკელი სენატორის როჯერ უიკერისა და აშშ-ის წარმომადგენელთა პალატის შეიარაღებული კკომიტეტის თავმჯდომარის მაიკ როჯერსის თქმით, მსგავსი მასშტაბის ცვლილებები უნდა შეთანხმდეს როგორც კონგრესთან, ისე აშშ-ის მოკავშირეებთან.
„ველით, რომ დეპარტამენტი უახლოეს დღეებსა და კვირებში იმუშავებს ზედამხედველობის კომიტეტებთან ამ გადაწყვეტილებისა და მისი გავლენის შესახებ აშშ-ის შეკავების პოლიტიკასა და ტრანსატლანტიკურ უსაფრთხოებაზე,“ - ნათქვამია განცხადებაში.
მათ ასევე აღნიშნეს, რომ მაშინაც კი, თუ ნატო-ს წევრები თავდაცვაზე მშპ-ის 5%-ს დახარჯავენ, საჭირო სამხედრო შესაძლებლობების შექმნას დრო სჭირდება, ხოლო ევროპაში ამერიკული ძალების შემცირებამ „შეიძლება დააზიანოს შეკავების მექანიზმი და არასწორი სიგნალი გაუგზავნოს“ ვლადიმირ პუტინს.
ამასთან, მათი თქმით, ელოდებიან, რომ დეპარტამენტი უახლოეს პერიოდში დეტალურად განიხილავს ამ გადაწყვეტილებას კონგრესთან და შეაფასებს მის გავლენას აშშ-ის სამხედრო სტრატეგიასა და ნატო-ს უსაფრთხოებაზე.
შეგახსენებთ, აშშ-ის პრეზიდენტმა დონალდ ტრამპმა პენტაგონს დაავალა, რომ მომდევნო 6–12 თვის განმავლობაში გერმანიადან დაახლოებით 5 000 ამერიკელი სამხედრო გაიყვანოს.
