დონალდ ტრამპის ადმინისტრაციამ შეცვალა გეგმები და აშშ-ის საერთაშორისო განვითარების სააგენტოს (USAID) 10 000 თანამშრომლიდან 294-ის ნაცვლად 611 დასაქმებულს შეინარჩუნებს. ამის შესახებ Reuters იუწყება.
ცნობისთვის, გამოცემა Reuters წყაროებზე დაყრდნობით მანამდე წერდა, რომ ტრამპის ადმინისტრაცია აპირებს, USAID-ის 10 000-ზე მეტი თანამშრომლიდან დასაქმებული მხოლოდ 294 დატოვოს, დანარჩენი კი სამსახურიდან გაათავისუფლოს.
გამოცემა Politico-ს ერთ-ერთი წყაროს თქმით, თანამშრომლების უმეტესობა, რომლებიც სამუშაოს შეინარჩუნებენ, დეპარტამენტში ჰუმანიტარული დახმარებისა და გლობალური ჯანდაცვის პროგრამების მიწოდებაზე მუშაობენ, როგორიცაა ებოლას ეპიდემიასთან ბრძოლა.
ამავე წყაროს თქმით, რამდენიმე თანამშრომელი, რომელიც ისეთ ქვეყნებში მუშაობს, როგორებიცაა ჰაიტი და უკრაინა, ასევე გააგრძელებს სამუშაოს.
Politico-ს ცნობით, სააგენტოს მიერ დასაქმებული კიდევ ათასობით ადამიანი გაურკვეველი ვადით დარჩება ანაზღაურებად შვებულებაში.
