უკრაინის პრეზიდენტ ვოლოდიმირ ზელენსკისა და აშშ-ის პრეზიდენტ დონალდ ტრამპს შორის შეხვედრა შესაძლოა მომავალ კვირას შედგეს
ამის შესახებ ტრამპმა ჟურნალისტებს დღეს გამართულ პრესკონფერენციაზე განუცხადა.
„მე ალბათ მომავალ კვირას შევხვდები პრეზიდენტ ზელენსკის. დიდი ალბათობით პუტინს დაველაპარაკები. მსურს ეს ომი დასრულდეს“, - განაცხადა აშშ-ის პრეზიდენტმა.
ამასთან, ტრამპმა კიდევ ერთხელ გაიმეორა რომ უკრაინამ ომში 700 ათასი ადამიანი დაკარგა, რუსეთმა კი - 800-900 ათასი დაღუპულებისა და დაჭრილების სახით.
„ადამიანურად მინდა, რომ ეს უბრალოდ დასრულდეს, რაც ხდება, საშინელებაა.
ისინი ბრძოლის ველზე იბრძვიან, სადაც ტყვიის შეჩერება მხოლოდ ადამიანის სხეულს შეუძლია. მინდა, რომ ეს აბსურდული ომი დასრულდეს", - თქვა ტრამპმა.
