ზუგდიდში, რუსთაველის ქუჩაზე მსუბუქი ავტომანქანა შეეჯახა ქვეითად მყოფ ბებიასა და შვილიშვილს.
ავტოსაგზაო შემთხვევის შედეგად ქალი ადგილზე გარდაიცვალა, 12 წლის მოზარდი კი მძიმედ დაშავდა.
მოზარდი ზუგდიდის რეფერალურ კლინიკაში გადაიყვანეს. ექიმების ინფორმაციით, მისი მდგომარეობა კრიტიკულად მძიმეა.
როგორც იუწყებიან, ავტომობილი ბებიასა და შვილიშვილს მაშინ დაეჯახა, როდესაც ისინი გზის სავალი ნაწილის გადაკვეთას ცდილობდნენ.
მომხდართან დაკავშირებით დაწყებულია გამოძიება.
