"ქართულმა ოცნებამ" ვასილ მაღლაფერიძე საზოგადოებრივი მაუწყებლის სამეურვეო საბჭოს წევრობის კანდიდატად წარადგინა. ამის შესახებ ნათქვამია პარტიის აღმასრულებელი მდივნის, მამუკა მდინარაძის პარლამენტისადმი მიწერილ წერილში.
ვასილ მაღლაფერიძე საზოგადოებრივი მაუწყებლის გენერალური დირექტორის თანამდებობას 2017-2020 წლებში იკავებდა. ეს თანამდებობა მან 2020 წლის 18 აგვისტოს დატოვა.
2021 წლის იანვარში მაღლაფერიძე "ქართული ოცნების" თავმჯომარის მოადგილე გახდა. იმავე წლის მარტში მან ეს თანამდებობაც დატოვა.
ამასთან, გუშინ ცნობილი გახდა, რომ საზოგადოებრივი მაუწყებლის მეურვის კანდიდატად სახალხო დამცველის კვოტით წარდგენილია ლაშა ტუღუში.
ამ ეტაპზე საზოგადოებრივ მაუწყებლის სამეურვეო საბჭოში სულ სამი ვაკანტური თანამდებობაა. მესამე კანდიდატს საპარლამენტო ოპოზიცია დაასახელებს.
კანდიდატები პარლამენტმა უნდა დაამტკიცოს.
