უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინას არ აქვს საკმარისი შეიარაღება ანექსირებული ყირიმის სამხედრო ძალის გამოყენებით დასაბრუნებლად.
ამავდროულად, უკრაინას არ შეუძლია ნახევარკუნძულის დათმობა, რადგან ყველა უკრაინული მიწა უკრაინელი ხალხის ეკუთვნის. ამის შესახებ უკრაინის პრეზიდენტმა ჟურნალისტებს ბრიფინგზე განუცხადა.
კერძოდ, ზელენსკის ჰკითხეს, დათანხმდება თუ არა იმას, თუკი მშვიდობის გამო უკრაინას აიძულებენ დროებით უარი თქვას თავის ტერიტორიებზე,
„ჩვენი პოზიცია არ შეიძლება ეწინააღმდეგებოდეს უკრაინის კონსტიტუციას. ჩვენ არ შეგვიძლია რაიმეს გაცემა ან არგაცემა. ეს ჩემი საკუთრება არ არის. ეს უკრაინელი ხალხის საკუთრებაა“, - განაცხადა ზელენსკიმ.
როგორც პრეზიდენტმა აღნიშნა, უკრაინელი ხალხი ახალ თაობებს გააჩენს და ქვეყნის განვითარების გზაზე წინსვლას გააგრძელებს.
„მთელი ეს მიწა უკრაინას ეკუთვნის“, - თქვა ზელენსკიმ.
ზელენსკი თქმით, არავინ აღიარებს „რეფერენდუმს“ რომელშიც მონაწილეობა ადამიანებს იარღის მუქარით აიძულეს.
„ეს არის ჩვენი ყირიმის ნახევარკუნძულის ძალადობრივი ოკუპაცია რუსეთის ფედერაციის მიერ. და ამიტომ, ჩვენთვის ეს დროებით ოკუპირებული ტერიტორიაა. და არა მხოლოდ ჩვენთვის, არამედ ყველასთვის“, - განაცხადა ზელენსკიმ.
ამავდროულად, ზელენსკი გამოეხმაურა აშშ-ის პრეზიდენტის, დონალდ ტრამპის, ყირიმთან დაკავშირებით გაკეთებულ ბოლო კომენტარებს.
„ეს სიმართლეა, რასაც პრეზიდენტი ტრამპი ამბობს. ვეთანხმები მას, რომ დღეს ჩვენ არ გვაქვს საკმარისი იარაღი, იარაღი და არა ხალხი, რადგან ჩვენი ხალხი ყველაზე მნიშვნელოვანია, მაგრამ იმის თქმა, რომ არმია არ გვყავს, სიმართლეს არ შეესაბამება. მე ასე ვფიქრობ.
„და ამიტომ, ვეთანხმები პრეზიდენტ ტრამპს, რომ უკრაინას არ აქვს საკმარისი შეოარაღება ყირიმის ნახევარკუნძულზე იარაღის გზით კონტროლის აღსადგენად“, - აღნიშნა ზელენსკიმ.
ამავდროულად, როგორც პრეზიდენტმა აღნიშნა, სანქციების შესაძლო გამოყენება კვლავ შესაძლებელია.
„მსოფლიოს აქვს შესაძლებლობა, გამოიყენოს სხვა ეკონომიკური ზეწოლა, დიპლომატიური ზეწოლა, ვთქვათ, ტერიტორიული საკითხები განიხილოს, მაგრამ სრული, უპირობო ცეცხლის შეწყვეტის შემდეგ“, - თქვა ზელენსკიმ.
როგორც მან აღნიშნა, უკრაინა მადლიერია ყველა პარტნიორის, მათ შორის შეერთებული შტატებისა და ევროპელების წინადადებებისთვის, თუმცა სწორედ უპირობო სრული ცეცხლის შეწყვეტა იძლევა ყველაფერზე საუბრის შესაძლებლობას.
„და ჩვენ მზად ვართ დიალოგისთვის ნებისმიერ ფორმატში ნებისმიერ ადამიანთან, ამ ფორმატში, ნებისმიერ დროს, მაგრამ მხოლოდ მას შემდეგ, რაც რეალური სიგნალის შემდეგ, რომ რუსეთი მზადაა ომის დასასრულებლად. ასეთი სიგნალი სრული, უპირობო ცეცხლის შეწყვეტაა“, - განაცხადა ზელენსკიმ.
