აშშ-ის პრეზიდენტმა დონალდ ტრამპმა არ გამორიცხა უკრაინის პრეზიდენტთან, ვოლოდიმირ ზელენსკისთან შეხვედრის შესაძლებლობა რომში, სადაც ორივე ლიდერი რომის პაპ ფრანცისკეს დაკრძალვას დაესწრება.
„ეს შესაძლებელია“, - უპასუხა ტრამპმა რომში ზელენსკისთან შეხვედრის შესაძლებლობის შესახებ დასმულ შეკითხვას, რათა ომის დასრულების პირობები განეხილათ.
მანამდე, უკრაინასთან დაკავშირებულ მოლაპარაკებებზე საუბრისას, ტრამპმა განაცხადა, რომ მას შეთანხმების მისაღწევად „საკუთარი ვადა“ აქვს.
„ჩვენ გვინდა, რომ ეს სწრაფად მოხდეს. გვაქვს ვადა. ამის შემდეგ ჩვენ სრულიად განსხვავებული დამოკიდებულება გვექნება“, - თქვა ტრამპმა, თუმცა არ დაუკონკრეტებია, თუ რა ვადებზე საუბრობდა.
შეგახსენებთ, დონალდ ტრამპისა და ვოლოდიმირ ზელენსკის ბოლო შეხვედრა თებერვლის ბოლოს თეთრ სახლში გაიმართა, სადაც უკრაინის პრეზიდენტი მინერალების შესახებ შეთანხმების ხელმოსაწერად იყო ჩასული. თუმცა ლიდერებს შორის სიტყვიერი დაპირისპირების შემდეგ, ვოლოდიმირ ზელენსკიმ თეთრი სახლი დატოვა.
