ალერგოლოგ-იმუნოლოგი, კლინიკა "ნეოლაბის" დირექტორი გიორგი კამკამიძე ვაქცინაციის მნიშვნელობაზე საუბრობს. მისი თქმით, ეს არის ერთადერთი საშუალება, რითიც ცხოვრების ჩვეულ რიტმზე გადასვლა იქნება შესაძლებელი.
გიორგი კამკამიძის თქმით, "ფაიზერის" ვაქცინით აცრასთან დაკავშირებით კითხვები არ ექნებოდა.
"დღესდღეობით, ერთადერთი საშუალება, რომლითაც შეიძლება პანდემიის ბედის შეცვლა, შემობრუნება, ეს არის ვაქცინაცია. თუმცა, აქ არის ძალიან ბევრი დეტალი და მე ავირჩევდი თუ მექნებოდა შესაძლებლობა, რომელი ვაქცინით ავიცრებოდი. მე, მაგალითად, ფაიზერთან დაკავშირებით არ მექნებოდა, დღესდღეობით, კითხვა. რასაკვირველია, ვაჩვენებდი მაგალითს. მაგრამ თუ მეტყვიან სპუტნიკით აიცერი ან იგივე ჩინური ვაქცინით, რაც გაჟღერდა, ჩვენ სპეციალისტებმა გამოვთქვით ძალიან დიდი პროტესტი ამასთან დაკავშირებით და მე მგონი, ყურად იღეს ჩვენი შეხედულება", - ამბობს გიორგი კამკამიძე.
