ევროსაბჭოს საპარლამენტო ასამბლეის მონიტორინგის კომიტეტის წევრები, მაიკლ იენსენი და კასტრიოტ ისლამი დილიდან შეხვედრებს მართავენ. პირველი შეხვედრა შინაგან საქმეთა სამინისტროში, უწყების პირველ პირთან ასევე იუსტიციის მინისტრთან გაიმართა. სტუმრებმა რუსთავში შინაგან საქმეთა სამინისტროს მომსახურების სააგენტოც დაათვალიერეს. დღესვე დაგეგმილია შეხვედრები საელჩოებისა და საერთაშორისო მისიების წარმომადგენელთა ჯგუფთან.
ამჟამად, დელეგაციის წევრები სასტუმრო "ამბასადორში", ადამიანის უფლებათა დაცვის საკითხებზე მომუშავე არასამთავრობო ორგანიზაციების წარმომადგენლებს ხვდებიან.
