წავიღებ მათ გზავნილებს საწყის ეტაპზე მიუნხენში, მაგრამ ეს ამთ არ მთავრდება, ჩვენ გვექნება რეგულარული შეხვედრები და მზია ამაღლობელი იქნება ერთ-ერთი მთავარი თემა, - ამის შესახებ საქართველოს მეხუთე პრეზიდენტმა სალომე ზურაბიშვილმა მედიამენეჯერებთან შეხვედრის შემდეგ განაცხადა.
„ეს შეხვედრები, რაც მე დავიწყე, ერთის მხრივ მიმართული იქნება იმისკენ, რომ მიუნხენში, რომ წავალ, მხოლოდ მე კი არ წავიდე, როგორც საქართველოს პრეზიდენტი, არამედ ჩემთან ერთად წამოვიდეს საზოგადოება და მისი პრობლემები. ყველა კუთხით, რაც დღეს ამ ქვეყანაში არსებობს.
ამავე დროს ჩემი სურვილია და ესაა, რაც ახლა დავიწყეთ, რომ პრეზიდენტის და მისი ადმინისტრაციის ირგვლივ, რომელიც არის შემცირებული, შემჭიდროვებული, შედგეს სხვადასხვა სეგმენტების პლატფორმები, რომლებიც იმუშავებენ ჩვენთან ერთად. ამ კუთხით შევხვდი დიპლომატებს და ერთგვარი დიპლომატიური კლუბი შევქმენით.
დღეს ძალიან მნიშნელოვანი შეხვედრა იყო მედია მენეჯერებთან, რომ ჩვენ ერთად ვნახოთ რა შეიძლება გაკეთდეს იმისთვის, რომ გაძლიერდეს ქართული მედია. იმ მდგომარეობაში, როცა მასზე არის ძალიან დიდი წნეხი.
ყველა დიქტატორული რეჟიმის, რომელიც გამყარებას ცდილობს პირველი სამიზნეებია საზოგადოება და მედია.
მე წავიღებ მათ გზავნილებს საწყის ეტაპზე მიუნხენში, მაგრამ ეს ამთ არ მთავრდება, ჩვენ გვექნება რეგულარული შეხვედრები და მზია ამაღლობელი იქნება ერთ-ერთი მთავარი თემა. იმიტომ რომ ის გახდა სიმბოლო სიტყვის თავისუფლების, ამ წნეხის, რომელიც პირველ რიგში ვრცელდება რეგიონალურ მედიაზე.
ჩვენ ერთად ვიქნები და მე ყველას, როგორც შევძლებ და სადაც შევძლებ ყველას ერთად დავიცავ“, - განაცხადა ზურაბიშვილმა.
