ჩრდილოეთ კორეამ შორ მანძილზე მოქმედი 200-მდე საარტილერიო იარაღი გაგზავნა რუსეთში და სავარაუდოდ, გაგზავნის დამატებით ძალებს და იარაღს უკრაინის წინააღმდეგ რუსეთის ომში. ამის შესახებ განაცხადა სამხრეთ კორეის თავდაცვის სამინისტრომ.
გავრცელებული ინფორმაციით, ეს შეფასება მას შემდეგ გაკეთდა, რაც სამხრეთ კორეის დაზვერვის სააგენტომ განაცხადა, რომ ჩრდილოეთ კორეამ დაახლოებით 11 000 ჯარისკაცი გაგზავნა რუსეთის მხარდასაჭერად, რომელთაგან 300 დაიღუპა და დაახლოებით 2,700 დაიჭრა.
”[ჩრდილოეთ კორეამ] გაგზავნა დაახლოებით 11 000 ჯარისკაცი, რაკეტები, 200 შორ მანძილზე მომქედი საარტილერიო სისტემა და მნიშვნელოვანი რაოდენობის საბრძოლო მასალა, ასევე არსებობს შესაძლებლობა, რომ [ჩრდილოეთ კორეამ] გაგზავნოს დამატებითი ძალები, იარაღი და საბრძოლო მასალა მომავალში”, - განაცხადეს სამინისტროში.
7 თებერვალს უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთმა კვლავ შეიყვანა ჩრდილოეთ კორეელი ჯარისკაცები კურსკის რეგიონში, რასაც ახალი თავდასხმები მოჰყვა ამ მიმართულებით. მისი თქმით, ასობით რუსი და ჩრდილოეთ კორეელი ჯარისკაცი დაიღუპა.
