"სადაზღვეო კომპანიები სასოფლო-სამეურნეო რისკების დაზღვევით პრაქტიკულად ყოველთვის ინტერესდებოდნენ. თუმცა სოფლის მეურნეობის სპეციფიკურობიდან და კაპიტალტევადობიდან გამომდინრე, სასოფლო-სამეურნეო რისკების დაზღვევას მასობრივი ხასიათი ვერ ექნება. რისკების დაზღვევას მაშინ აქვს აზრი და რაციონალურია კომპანიისათვის, თუ მასობრივი ხასიათი ექნება. ანუ ინდივიდუალური დაზღვევა საქართველოში წამგებიანი იქნება. დღეს, რომ ხელისუფლებამ სასოფლო-სამეურნეო რისკების დაზღვევის განხორციელება მოინდომა, მხოლოდ სურვილი ამ პროექტის განხორციელებას წარმატების გარანტი ვერ იქნება. აქ საჭიროა გარკვეული სახელმწიფო პროგრამის შემუშავება და ამ პროგრამის ფარლებში დაზღვევის განხორციელება", _ განაცხადა სააგენტო "ჯი-ეიჩ-ენთან" საუბრისას ლევან კალანდაძემ.

ექსპერტი აცხადებს, რომ სოფლის მეურნეობის რისკების დაზღვების საზღვარგარეთ არსებობს, თუმცა იქ ასეთ პროექტებზე სახელმწიფოს თანამონაწილეობაც მაქსიმალურია.

"ასეთი პროექტები სოფლის მეურნეობის ინდუსტრიის განვითარებულ ქვეყნებში მოქმედებს და ის სახელმწიფოს თანამონაწილეობა არის მნიშვნელოვანი. ის რომ ხელისუფლებას უნდა სასოფლო რისკები დააზღვიოს ბუებრივია, მაგრამ მისი ასე ხელარებითა და ნაჩქარევვად გაკეთება არ შეიძლება. პროექტის ნაჩქარევად განხორციელება თავად ამ კომპანიებისთვის იქნება წამგებიანი, რაც ნეგატიუად აისახება ასევე მარცვლეული კულტურების დარგის განვითარებაზეც", _ განაცხადა ლევან კალანდაძემ.

პროექტის განსახორციელებლად ექსპერტი მთავრობას ევროპული გამოცდილების გამოყენებას ურჩევს.
"უნდა გამოვიყნოთ ევროპის გამოცდილება ანუ უნდა შეიქმნას სპეციალური "პული" (გაერთინება), საადაც ბევრი სადაზღვეო კომპანია გაერთინდება და რისკების დაზღვევის გადაწყვეტილებას ერთობლივად მიიღებენ. შემდგომ კი რისკები მთლიანად სადაზღვეო ინდუსტრიაზე ნაწილდება და არა ცალკეულ კომპანიაზე"- განუცხადა "ჯი-ეიჩ-ენს" ექსპერტმა.

ის რომ ასეთი სადაზღვეო პაკეტი ფერმერებისათვის ძვირი იქნება, ამას თავად ლევან კალანდაზეც ადასტურებს.

"სასოფლო-სამეურნეო რისკების დაზღვევა აპრიორი იქნება ძვირი, რადგანაც ეს თავად ძვირი დაზღვეაა. ეს არის არის ვთქვათ სიცოცლის დაზღვევა, რომელის ტარიფი დაბალი და ყველასთვის ხელმისაწვდომია. საქართველო მაღალი რისკის ზონაა და შესაბამისად განვითარების მიმდინარე ეტაპი სადაზღვეო კომპანიას საშუალებას არ აძლერვს, რომ რისკი იაფად დააზღვიონ", _ აცხადებს "ჯი-ეიჩ-ენთან" საუბარში კალანდაძე.

შეგახსენებთ, რომ სოფლის მეურნეობის მინისტრი მარცვლეული კულტურების მოსავლის დაზღვევის ინიციატივით გამოდის, რაზეც სადაზღვეო კომპანიებთან მოლაპარაკებები უკვე დაასრულა.

"რამდენიმე სადაზღვეო კომპანიასთან უკვე გვაქვს შეთანხმება და ისინი ქვეყნის მასშტაბით მარცვლეულ კულტურებს დააზღვევენ. ვარაუდობთ, რომ მოსავლის დაზღვევით ბევრი დაინტერესდება და ამ პროგრამასაც მრავალი მსურველი გამოჩნდება, რომელის საკუთარ მეურნეობას დააზღვევენ", _ აცხადებს "ჯი-ეიჩ-ენთან" საუბარში ბაკურ კვეზერელი.

მიუხედავად იმისა, რომ ამ დროისათვის ცნობილი არ არის, თუ როგორ სადაზღვეო პაკეტს აამოქმედებენ კომპანიები, სოფლის მეურნეობის მინისტრი აცხადებს, რომ მარცვლეული კულტურების მოსავლის დაზღვევით არა მხოლოდ მსხვილი მწარმოებლები, არამდედ უბრალო ფერმერებიც დაინტერესდებიან.

"ვერ ვიტყვი, რომ ეს პროექტი მხოლოდ მსხვილი ფერმერებისათვის ინება ხელმისაწვდომი. მარცვლეული კულტურების დაზღვევა ხელმისაწვდომი იქნება ყველასთვის და ვნახოთ სამომავლოდ როგორ განვითარდება მოვლენები", _ ამბობს კვეზერელი.

მარცვლეული კულტურების დაზღვევა მას შემდეგ გახდა აქტუალური, რაც მავნებელმა მარცვლეული კულტურების და განსაკუთრებით ხორბლის მასიური განადურება დაიწყო. სოფლის მეურნეობის მინისტრიც ადასტურებს, რომ მავნებლები წელს განსაკუთრებით "გააქტიურდნენ".

"წელს მღრღნელების პრობლემა განსაკუთრებულად დადგა, რადგანაც წელს მკაცრი ზამთარი არ იყო, რამაც მღრღნელების პოპულარიზაციის ზრდა განაპირობა. თუმცა ანალოგიური პრობლემა რამოდენიმე წელია უკვე არსებობს", _ აცხადებს კვეზერელი.

გასულ წელს ხორბლის მოსავალი მინდვრის მავნებელმა "პურის ბზუალამ" მასიურად გაანადგურა.

მავნებელმა მხოლოდ დედოფლისწყაროს ფერმერებს 29 მლნ ლარის ზარალი მიაყენა. რაიონის მაშტაბით ხორბალი 35 ათას ჰეტქარზე იყო დათესილი, რომლის 37 %-იც მავნებელმა განადგურა. კახეთის რეგიონში "პურის ბზუალა" განსაკუთრებით დედოფლისწყაროს რაიონშია გავრცელებული, რომელთანაც ბრძოლა სხვადასხვა შხამ-ქიმიკატებით ხორციელდება.

სტატისტუკური მონაცემების თანახმად, ქვეყანაში წლის განმავლობაში 800 ათას ათას ტონა ხორბალს მოიხმარს, რომლის 15 %-იც ადგილზე იწარმოება. იმპორტირებული ხორბლის 85 %-ი რუსეთზე, ხოლო დანარჩენი 15 %-იც ყაზახეთსა და უკრაინაზე მოდის