აშშ-ის პრეზიდენტმა დონალდ ტრამპმა განაცხადა, რომ ის არ ჩქარობს ღაზის დაუფლებისა და აღდგენის გეგმის განხორციელებას და პარალელურად პალესტინელების სხვა ქვეყნებში გადასახლებას.
ამის შესახებ მან თეთრ სახლში ჟურნალისტებს განუცხადა.
როგორც ცნობილია, მას შემდეგ, რაც ტრამპმა არაერთხელ გააჟღერა იდეა, რომ ეგვიპტესა და იორდანიას შეეძლოთ მიეღოთ ღაზელი ლტოლვილები სექრორის აღდგენის დროს დარომელიც კაირომ და ამანმა უარყვეს - ამ კვირის დასაწყისში მან წამოაყენა წინადადება, რომ "აშშ დაეუფლება ღაზას" და რომ ანკლავის მაცხოვრებლები სხვა ქვეყნებში უნდა გადასახლდნენ.
„ჩვენ არ ვიჩქარებთ ამის გაკეთებას“, - თქვა ტრამპმა 7 თებერვალს.
მან აღნიშნა, რომ გეგმა "კარგად იქნა მიღებული".
„ძირითადად, შეერთებული შტატები განიხილავს მას, როგორც უძრავი ქონების გარიგებას, სადაც ჩვენ ვიქნებით ინვესტორი მსოფლიოს იმ ნაწილში. ჩვენ იქ არავინ გვჭირდება.
ამას (კონტროლს ღაზის სექტორზე) ისრაელი გადმოგვცემს. ისინი ამას უსაფრთხოების პერსპექტივიდან შეხედავენ“, - განაცხადა ამერიკის პრეზიდენტმა.
ტრამპმა აღნიშნა, რომ სამხედრო ყოფნა ან სხვა რაიმე არ განიხილება.
„მაგრამ მე ვფიქრობ, რომ ის ფაქტი, რომ ჩვენ იქ ვართ, რომ ჩვენ შეგვიძლია ინვესტიციები იქ ჩავდოთ, ხელს შეუწყობს მშვიდობის დამყარებას“, - თქვა აშშ-ის პრეზიდენტმა.
მან ხაზგასმით აღნიშნა, რომ ამერიკა ახლო აღმოსავლეთში მხოლოდ სტაბილურობას ეძებს და არ გაგზავნის თავის ჯარს ღაზაში.
„თუ იქ ინვესტიცია არ არის, მაშინ ჩვენი ინვესტიცია მოიტანს სტაბილურობას რეგიონში და მოგვიანებით სხვებიც შეძლებენ ინვესტიციის ჩადებას “, - თქვა ტრამპმა.
შეგახსენებთ, შეერთებული შტატების პრეზიდენტმა დონალდ ტრამპმა ვაშინგტონში ისრაელის პრემიერ-მინისტრ ბენიამინ ნეთანიაჰუსთან ერთობლივი პრესკონფერენციისას განაცხადა, რომ აშშ მზადაა დაიკავოს ღაზის სექტორი და შექმნას იქ ეკონომიკური განვითარების შესაძლებლობები.
