უცნაურად დაემთხვა ჩვენი განცხადება FARA-ს კანონის შერბილებას, აქ შეიძლება ერიოს Deep State-ის ხელი, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს ტრამპის ადმინისტრაციის გადაწყვეტილებასთან დაკავშირებით განუცხადა.
"თქვენ იცით, რომ ჩვენ შარშან მიიღეთ ამერიკული FARA-ს რბილი ვერსია - ამ კანონსაც პატივს არ სცემენ კონკრეტული ორგანიზაციები.
ყველაფრის გათვალისწინებით, მათ შორის, რაც განვითარდა ამერიკის შეერთებულ შტატებში ჩვენ მივიღეთ ამერიკული FARA-ს კოპირების გადაწყვეტილება - ერთი საინტერესო დეტალი დაერთო ამ ყველაფერს, აშშ-ში გაკეთდა განცხადებები Fara-ს შერბილების თაობაზე.
ამას ემატება, რომ ევროკავშირს უნდოდა მსგავსი კანონის მიღება და მათ პირდაპირ განაცხადეს ოფიციალურად, რომ საქართველოში ანალოგიური კანონის მიღების გამო ვეღარ იღებენ ევროკავშირში ამ კანონს იმიტომ, რომ მაშინ მორალური უფლება აღარ ექნებოდათ, რომ საქართველო გაეკრიტიკებინათ იგივე კანონის მიღებისთვის.
ახლა, უცნაურად დაემთხვა ჩვენი გადაწყვეტილება აშშ-ში ფარა-ს კანონის შერბილებას - აქ შეიძლება ერიოს deep state-ის ხელი, ამას მომავალი გვიჩვენებს.
გამჭვირვალობის შესახებ კანონი არის განკუთვნილი იმისთვის, რომ საქართველოში ვეღარავინ სცადოს NGO-ების დაფინანსებით, უცხოური დაფინანსებით მორიგი რევოლუციის მოწყობა / მცდელობა", - თქვა კობახიძემ.
შეგახსენებთ, ცნობილი გახდა, რომ ტრამპის ადმინისტრაცია აუქმებს ჯგუფს, რომელიც შიდა პოლიტიკაში უცხოურ გავლენას ებრძოდა.
